نێچیروان بارزانی پیرززبایی کرد وەبوونەی یاد 239 ساڵەی دامەزرانن شار رووشنهویری لە کوردستان
2023-11-14T07:37:07+00:00
شەفەق نیوز/ سەرۆک هەرێم کوردستان نێچیروان بارزانی، ئمڕوو سێشەممە، پیرووزبایی کرد وەبوونەی رەدبوین 239 ساڵ لەبان بونیاتنان پارێزگای سلێمانی کە ناسریاگە وە پایتەخت رووشنهویری لە کوردستان.
سەرۆک بارزانی لە پەیامیگ کە سەرۆکایەتی هەرێم بڵاویکرد و رەسیە ئاژانس شەفەق نیوز راگەیانیە "وەبوونەی رەدبوین 239 ساڵ لەبان بوونیاتناین پایتەخت رووشنهویری کوردستان، شار سلێمانی خوەشەویست، گەرمترین پیرۆزبایی خوەم ئاراستەی شار قوربانی کەیمن".
وتیش "سلێمانی هەمیشە شار زینگیگە و دەور و پێگەی کاریگەریگ دیرێد لە خەبات و قوربانیدان وەخاتر ئازادی گەلەگەی".
سەرۆک هەرێم لە کۆتایی وتیش، "سەرفرازی و پیشکەفتن هەمیشەیی ئەرا سلێمانی و گشت شارەیلتر کوردستان خوازم".
