نێچیروان بارزانی دەسخوەشی کەێد ئەرا وازکردن بەش کوردی لە زانکۆی پەکین چینی
شەفەق نیوز- هەولێر
سەرۆک هەرێم کوردستان نێچیروان بارزانی، ئمڕوو سێشەممە، دەسخوەشی لە چین کرد وە وازکردن بەش کوردی لە زانکۆی پەکین، و دووپات کرد وەبان فراوانکردن ئاسۆیل هاوکاری هاوبەش لە ناوەین هەردوگ لایەن.
ئیە لە وەخت پێشوازیکردن بارزانی لە قونسوڵ گشتی کۆمار چین لە هەرێم کوردستان، ليو جوون، هات وە بوونەی کۆتاییهاتن ئەرکەیل کاری و وە مەبەست ماڵئاواکردن، وەپای بەیاننامەیگ لە سەرۆکایەتی هەرێم کە رەسیە ئاژانس شەفەق نیوز.
بارزانی دەسخوەشی کرد ئەرا تەقەلا و هەوڵەیل قونسوڵ چینی لە ری ئەوزەڵداین وە پەیوەندییەیل چین وەگەرد هەرێم کوردستان لە مژارە جیاجیایەیل، و هیوای سەرکەفتن ئەرای خواست لە ئەرکە نوویەیلی.
لە لای خوەیەو، قونسوڵ گشتی چینی دەسخوەشیکرد ئەرا سەرۆکایەتی هەرێم کوردستان و لایەنەیل پەیوەنیدار ئەرا ئەو پشتیوانی و هاوکاریە کە لە ماوەی کارەگەی کریابوی، و دووپاتکرد وەبان ئەزرەت وڵاتەگەی لە وەردەوامبوین تونترکردن و ئەوزەڵداین پەیوەنییەیل دوقۆڵی لە ناوەین هەردوگ لایەن.
و باس دەرفەتەیل هاوکاری ئاسۆ هاوبەشەیل تەوەریگ ترەک بوی لە دیدارەگە، هەمیش رێزدار سەرۆک هەرێم کوردستان سوپاس چین کرد ئەرا وازکردن بەش کوردی لە زانکۆی پەکین.
