نێچیروان بارزانی داوا لە حکومەت عراق کەێد بودجەیگ ئەرا بەڕەنگاربوین کەشوهەوا دابین بکەێد
سەرۆک هەرێم وتاریگ پێشکەشکرد لە ماوەی دەسکردن وە کارەیل کۆنگرەی هشکی و ئاڵشتبوین کەشوهەواو و سیاسەت ئابووری و دیموگرافی عراق کە لە هەولێر سازکریا وە سەرپەرشتی خوەی.
سەرۆک نێچیروان بارزانی لە وتارەگەی وت: عراق ها لەژیر کاریگەری گەپیگ ئاڵشتبوین کەشوهەوا ، وەپای نووترین راپۆرت وڵاتە یەکگرتگەیل، بریتیە لە پەنجەمین ها لەژیر کاریگەری ئاڵشتبوین کەشوهەوا، یەیشە کاریگەری دیرێد وەبان بارودۆح ژیان لە هەرێم کوردستان و گشت وڵاتەگە، و بوودە هووکار بیاوانبوین و لەناوچگن زەوی کشاوەرزی.
دووپاتکرد "ساڵانە سەدان هەزار کیلومەتر چوارگوشە لە دەسدەین وەرگەرد لاواز بوین وەردەوام ئاو بان زەوی و ژیر زەوی و لاوازبوین ئاسایش خوەکی، و کوچکردن لە هەرێم کوردستان و عراق"دیاریکرد "لە ساڵەیل کۆتایی کوچکردن ناوخوەیی رویدا کە 130 هەزار لە دانشتگەیل عراق میدکان خوەیان وەجیهیشتن، ئەرا ناوچەیل ترەک کووچکردن وەگەرد زەرەد رەسین وە ئاسایش کۆمەڵایەی، و زیایبوین رێژەی هەژاری و بەرزەوبوین رێژەی گیچەڵەیل تەندروسی لەوەر ئاڵشتبوین کەشوهەواو و هشکی".
سەرۆک هەرێم دیاریکرد، "دۆخ ئیسەی عراق هیشتیە نەتوانێد چارەسەر ئێ گیچەڵە بکەێد، ئیمە لە لراق و کوردستان هەوەجە کەێد زوی دەسوەکاربوین ئەرا پلان دانان مەودا کوڵ و ناوڕاس و درویژ ئەرا بەڕەنگاربوین هەڕەشەیل ئاڵشتبوین کەشوهەوا، ریگە وەرانوەر کاریگەریەگانی بوەسیمن"دووپاتکرد ئێ پرسە هەوەجە وەئەولەویەت و جددی بوین زیاتر کەێد لە سیاسەت و پلان حکومەت فیدڕاڵی و حکومەت هەرێم کوردستان".
وتیش "بایەت وەلایەن حکومەت فیدڕالی بودجەیگ دابین بکرێد ئەرا بەڕەنگاربوین کاریگەری ئاڵشتبوین کەشوهەوا، دەسڵاتیگ فراوانتر بدرێد وە دامودەزگا تایوەتەیل ئێ مژارە،هەمیش مەنهەجیگ پەروەردەیی چاپبکرێد ئەرا گرنگی مژار بەڕەنگاربوین ئاڵشتبوین کەشوهەوا، و پاراستن ژینگە، و پیس نەکردا ئاو"دووپاتکرد لە پێویستی بەرزەوکردن ئاست هووشیاری کۆمەڵگەوەایەنبنکەیل هووشیاری و رووشنهویریەیل و ئەکدیمیەگان و پیاوە ئاینیەیل لە چوارچمگ رووشنهیرکردن لەبان پاراستن ژینگە.
نێچیروان بارزانی وتیش، "وە لەوەر چەوگردن ئەوەگ عراق زیاترین سەرچەوەی اودیرێد لە وڵاتەیل هاوسای، ناچارە گرنگی گەپیگ وەی باوەتە بدەێد ئەرا دابینکردن ئاسایش ئاو"وتیش "بایەت دۆخەگە چارەسەربکرێد وەگەرد وڵاتەیل هاوسا و جەهان هاوکاری بکرێد تا بتوەنین بەڕەنگار ئاڵشتبوین کەشوهەوا بویمن". سەرۆک هەرێم پێشنیارکرد، پلانیگ نیشتیمانی گشتگیریگ دابنرێد ئەرا بەڕەنگاربوین ئێ گرفتە، وتیش "هەرێم کوردستان سەرچەوەی ئاوی فرەیگ دیرێد، بایەت بەنداو دابنرێد و پرۆژەیل ئەممارکردن ئاو دابنرێد". نێچیروان بارزانی داوا لە حکومەت عراق کەێد ئەرا ئەرا هاوکاریکردن و پاڵپشتیکردن حکومەت هرێم کوردستان لە بیناکردن بەنداو و گۆم کە دەسمیەتیدەر ئەمارکردن ئاون، مەترسیەیل ئاڵشتبوین کەشوهەوا کەمەوکەن، و داوا لە سەرۆک کۆمار عەبدولەتیف جەماڵ رەشید کرد ئەرا دەسمیەتیدان هەرێم لەی مژارە.
