نێچیروان بارزانی بەشداری لە رسوومەیل قەسەمخواردن سەرۆک نوو ئیران کەێد
سەرچەوەیگ سەرۆکایەتی ئەرا ئاژانس شەفەق نیوز وت: سەرۆک نێچیروان بارزانی لە ئاهەنگ داناین سەرۆک نوو ئیران ئامادە بوود، وە مکیسیگ فەرمی وەلایەن کۆمار ئیسلامی ئیران.
پزیشکیان کاندید چاکسازی خواز لە تەبری، وەزیر وەرین تەندروسی، لە خول دویەم هەڵوژاردن سەرۆکایەتی لە ٥ یۆلیۆ، وەدەسهاوردن ٥٣.٧ لەسەد لە دەنگەیل، بویە نۆهەم سەرۆک کۆمار ئیسلامی ئیران.
هەڵوژاردن سەرۆکایەتی دویای مردن سەرۆک وڵاتەگە ئیبراهیم رەئیسی، و وەزیر دەیشت حەسەن عەبدللاهیان و شاند یاوەریان هات، لە رویداو کەفتن هیلیکۆپتەریگ لە پارێزگای ئازەربایجان خوەرهەڵات لە ١٩ی ئایار گوزەشتە.
بڕیارە رووژ سێشەممە، لە ئەنجومەن شورا رسوومەیل قەسەمخواردن پزیشکیان وەڕیەو بچوود، وە ئامادەبوین سەرۆک حکومەت و سەرۆک دەوڵەتەیل بڕیگ لە وڵاتەیل، ئیجا سەرۆک نوو کابینەی نوو خوەی پیشکەش وە پەرلەمان کەێد، تا دڵنیایی وەربگرێد.
