نه‌ته‌وه‌يل يه‌كگرتگ داوا له‌ هه‌ولێر و به‌غدا ئه‌كا پابه‌ند بوون وه‌ ريككه‌فتن

له‌ به‌ياننامه‌ى سه‌رۆكايه‌تى حكومه‌ت هه‌رێم كوردستان ئه‌را(شه‌فه‌ق نيوز)ئه‌وه‌ ده‌ركه‌فت ك نه‌يچێروان بارزانى له‌ ديدارى وه‌ل يان كوبيس نوێنه‌ر تايبه‌ت ئه‌ميندار گشتى نه‌ته‌وه‌يل يه‌كگرتگ و شانده‌ ياوه‌ره‌گه‌ى باس له‌ هاوكارى و ئه‌و په‌يوه‌نديه‌يل ناونى ده‌زگايه‌يل حكومه‌ت هه‌رێم و ريكخرياگه‌يله‌ كرياگه‌ ك سه‌ر وه‌ نه‌ته‌وه‌يل يه‌كگرتگن.

به‌ياننامه‌گه‌ باس له‌وه‌يش كرد ك كوبيس سوپاسگوزارى له‌ حكومه‌ت هه‌رێم كردگه‌ وه‌ بوونه‌ى ئه‌و ده‌سميه‌ته‌يله‌ ك پيشكه‌شى وه‌ كووچبه‌ره‌يل و په‌نابه‌ره‌يل كردگه‌و جه‌ختيش له‌وه‌ كردگه‌ ك نه‌ته‌وه‌يل يه‌كگرتگ پشتگيرى هه‌وڵه‌يل حكومه‌ت هه‌رێم ئه‌كا ئه‌را چاره‌سه‌ركردن كيشه‌يل ناوخوه‌يى و كيشه‌يلى وه‌ل حكومه‌ت ناوه‌ندى به‌غدا.