نزیکەی 500 باخچە و پارک لە هەولێر و شوینە سەوزەیل زیاتر لە 20%
2024-08-21T11:09:48+00:00
شەفەق نیوز/ سەرۆک حکومەت خۆجێی لە پارێزگای هەولێر، ئومێد خۆشناو، ئمڕوو چوارشەممە، سەنگ بنەڕەت پارک “مێهرابانی” لە سەنتەر پارێزگاگە دانا.
ئی پڕۆژە پڕۆژەیگ هاوبەش ناوەین حکومەت هەرێمی کوردستان و کەرت تایبەتە، ڕووبەر ئەو زەویە کە پڕۆژەگە لەبانی دروس کریەێد ٤ هەزار مەتر چوارگووشەس و خەسەخانەی رەحمە خەرج پڕۆژەگە و جیوەجیکردنی هەڵگرێد.
خۆشناو لە وتارید لە پەراوێز مەراسیم دانان سەنگ بنەڕەت پڕۆژەگە، کە پەیامنێر ئاژانس شەفەق نیوز ئامادەی بوی، وت: "شمارەیگ بەنداو لە دەیشت شار هەولێر تەواو بویە، بەنداوەیلیگ ترەکیش تەواو بوون".
وتیش: ئەو بەنداو و شوینە سەوزەیلە دەسمیەتی دەم لە دروسکردن ژینگەیگ پاکتر ئەرا هەولێر.
لای خوەییش ڕێبین ئەحمەد، وەڕیەوبەر ئەندازیاری باخچەیل هەولێر ئەرا ئاژانس شەفەق نیوز وت: ئیرنگە 450 پارک لە هەولێر هەس کە 21 پارکیان گەورەن و ئەوانەی تریش لە گەڕەک و جادەیل بەشەو کریانە.
وتیش: ریژەی شوینەیل سەوزایی لە سەنتەر هەولێر رەسێدە 20%ه .
