نزیکەی ٢٠ هەزار هاووڵاتی لە هەرێم کوردستان لە ساڵ ٢٠٢٢ وەرەو ئەوروپا کووچ کردنە
بەکر عەلی سەرۆک کۆمەڵەگە لە کۆنگرەیگ رووژنامەوانی وت: ٢٩ هەزار و ٢٠٠ هاووڵاتی لە هەرێم کوردستان وەرەو یەکێتی ئەوروپا وەڕی کناراوەیل تورکیا و لەبان ری سنوور بیلاڕووسیا کووچ کردنە.
وتیش: چەن سیمایگ ئەرا وەرگردن ڤیزا وە پویل توومار کریاگە، وەو شیوەگ ک وەشیوەی لاویک هەس لە وەرگردن ڤیزای یۆسنە، و دیاری کرد ک هاووڵاتیەیل وەی ریە چینەسە یەکێتی ئەوروپا.
عەلی وتیش: ٢٣٠٠ کەس لە دانیشتگەیل ئیدارەی راپەڕین لە بڕ کووچبەرەیل لە هەرێم کوردستان وەرەو ئەوروپان، ک ناوچەی راپەڕین لە کووچبەری بەش شییر دیرێد، و هەمیش لە قوربانیەیل ناو ئەو کووچبەرەیلە.
وتیش: ٢٩ هاووڵاتی ک فرەیان گەنج بوینە لە تەقەلای کووچبردن وەرەو ئەوروپا لە ساڵ ٢٠٢٢ گیانیان لەدەسدانە، ٧ کەسیان خەڵک ناوچەی راپەڕین بویە، وتیش: توەنستیمن تەرم بەشیگیان گلەو بەیکن و بەشیگ بیسەروشوینە، و وەگەرد حکومەت هەرێم کوردستان تەقەلا دەیمن تەرمیان باریمنەو.
