مەسعوود بارزانی لەبان ئەنفالکردن بارزانییەیل: ئەو تاوانانە دەرئەنجام عەقڵییەت شۆڤێنی و پاوانخوازی بوی
سەرکردەی کورد لە پەیامیگ لە یاد 41 ساڵەی تاوان ئەنفال دژ بارزانییەیل وت: رژیم وەرین عراق، وە رەفتاریگ ناڕەوا و نایاسایی و دویر لە ویژدان مرۆڤایەتی، هەشت هەزار گەنج و پیر لە بارزانییەیل دەسگیرکرد، کە لەناوەین نۆ تا نەوەت ساڵان بوین، تەنیا لەوەر ئەوە کە بارزانی و کورد بوین لە بیاوانەیل باشوور عراق وە شیوەیگ دڕندانە جینۆسایدیان ئەنجامدا.
وتیش: "ئی تاوانە بەشیگ بوی لە دەستپیگ زنجیرەیگ تاوان سیستماتیکی رژیم وەرین ئەرا لەناوبردن خەڵک کوردستان، سەرەتا لە دیارنەمان و بیسەروشوینی دوانزە هەزار گەنج فەیلی، لەڕی هەڵمەتەیل ئەنفال و کیمیاوارانکردن لە کوردستان، تا رەسێدە تەعریب و بارکردن زوورەملی و ئاڵشتکردن دیمۆگرافیای کوردستان.
رێبەر مەسعوود بارزانی لە پەیامەگەی وتیش، ئەو تاوانەیلە وەرانەور گەل کوردستان ئەنجامدریان بیجگە لە دەرئەنجام ئەو عەقڵیەت شۆڤێنی و ستەمکار و نامرۆڤانەس کە لەلایەن کەسەیل دەسەڵاتدار لە رژیم وەرین عراق پەیڕەوی کردیان، هویچیگ ترەم نەوی، و ئەو عەقڵیەتە مدوو بنەڕەتی دوباکەفتگییە ، ئازار و کارەسات ئەرا گەلەیل عراق و تەواو ناوچەگە”.
