مەسعود بارزانی و باڵوێز بەریتانیا باس چاکسازی لە وەزارت پێشمەرگە وە (گرنگ) کەن
شەفەق نیوز/ مەسعود بارزانی سەرکردەی کورد، ئمڕوو چوارشەممە، وەگەرد باڵوێز بەریتانیا لەلای عراق، باس گامەیل درەسکردن بنکەیل هەناهەنگی سەربازی لەناوبەین پێشمەرگە و هێزەیل عراق کردن، و باس گامەیل چاکسازی لە وەزارت پێشمەرگە وە گرنگ کردن.
نووسینگەی بارزانی لە بەیاننامەیگ رەسیە ئاژانس شەفەق نیوز وت: ئمڕوو لە سەڵاحەدین، بارزانی پێشوازی لە ستیڤن هیکی باڵوێز بەریتانیا لەلای عراق کرد، و دیاری کرد ح لەو چەوپیکەفتنە ک جیمس سورنتون قونسڵ بەریتانی لە هەولێر ئامادەی بوی، باس و راگان دەربارەی کار سیاسی و هەڵبژاردن وەرجەوەخت و قۆناغ هاتگ لە عراق کریا، و هەمیش باس هاوکیشە سیاسییەیل لە هەرێم کوردستان و پەیوەندیەیل ناوبەین هەرێم و بەغداد کریا.
بەیاننامەگە وتیش: رووشنایی خریا بان سەختیەیل ئەمنی و سیاسی لە نوای هەرێم و عراق.
لە لاییگ تر لە کۆبونەوەگە، وەگورەی بەیاننامەگە، باس کاریگەریە سیاسیە ناودەوڵەتیەیل و هەرێمیەیل لەبان دویارووژ عراق کریا، و هەمیش شیوەیل مسۆگەرکردن ئارامی لە عراق.
لە خود کۆبونەوەگە، بەیاننامەگە دیاری کرد ک هەردوگ لاگە باس گامەیل دروسکردن بنکەیل هەماهەنگی سەربازی لەناوبەین هێزەیل پێشمەرگەی کوردستان و هێزەیل عراق، و دیاری کرد ک باس گامەیل چاکسازی لە وەزارەت پێشمەرگە و یەکێتی هێزەیل پێشمەرگەی کوردستان لە چوارچێوەی وەزارت پێشمەرگە وە گرنگ کردن.
دەربارەی پەیوەندیەیل ناوبەین هەرێم کوردستان و بەریتانیا و کار ئەرا بتەوکردن ئەو پەیوەندیەیلە، بەیاننامەگە وت: ستیڤن هیکی باڵوێز بەریتانیا لەلای عراق و جیمس سورنتون قونسڵ بەریتانی لە هەولێر کۆتایی وە ئەرکەیل فەرمییان لە عراق و هەرێم کوردستان هاوردن، و سەردان سەرۆک بارزانی ئەرا ماڵئاوایی کردن، و لەلای خوەییش وەگەرد سوپاسکردن، سەرۆک بارزانی ئومید سەرکەفتن لە ئەرکەیل نوو دوو میوانەیلە خوازێد.
