مەسرور بارزاني داوای مقەیەتیکردن کاریگ لە لایەنە سیاسیەگان کوردستان کەێد
شەفەق نیوز/ مەسرور بارزانی سەرۆک وەزیران هەرێم کوردستان، ئمڕوو پەنجشەممە، پێروزبایی لە رووژ ئاڵای کوردستان کرد.
بارزانی لە رسوومەیلیگ فەرمی ئەرا بەرزەوکردن ئاڵای کوردستان لە هەولێر پایتەخت ئامادە بوی.
سەرۆک حکومەت لە وتاریگ لەی بوونە وت: ئاڵای کوردستان سومبل پێکەوەژیانە، و بایەدە مقەیەتیی بکەیمن، و داوا لەی نەوە و نەوە هاتگەگان کەم ک بزانن گەلەگەمان چەنی لە قوربانیەیل گەورا پێشکەش کردن تا پەرچەمەگە وبەرزی لە ئاسمان کوردستان بمینێد.
وجەختکرد ک تا ئاڵای کوردستان بەرزە کەرامەت و خوازین گەلەگەمان نێشکیەێدەو.
هەمیش وت؛ شانازی لە ژیر سای ئی پەرچەمە کەیمن، و داوا لە لایەنە سیاسیەگان لە کوردستان کەم لە سای ئی ئاڵا کار بکەن ئەرا وەرگریکردن لەو دەسکەفتەیلە ک وە درێژایی مێژوو و خەبات گەلەگەمان ئەنجام دریانە، و تا ژیان رێزداریگ و ئایندەیگ خاستر ئەرای دابین بکەیمن.
