مردن دوو مناڵ وە هیزگردن ئاگر لەناو ماڵیگ لە بەغداد
2024-07-30T08:22:05+00:00
شەفەق نیوز/ سەرچەوەیگ لە وەڕێوەبەرایەتی وەرگیری شارستانی، ئمڕوو سێشەممە، خەوەردا لە مردن دوو مناڵ وە هیزگردن ئاگر لەناو ماڵیگ لە باشوور خوەرهەڵات بەغدای پایتەخت.
سەرچەوەگە وە ئاژانس شەفەق نیوز وت، دوو مناڵ گیان لەدەسدانە لە ئەنجام سزیان ماڵیان لەنزیک باڵەخانەیل وزە لەناوچەی زەعفرانیە باشوور خوەرهەڵات بەغداد.
سەرچەوەگە وتیش، زانیاری سەرەتایەگان دیاریکەن رویداوەگە لە ئەنجام شۆرت کارەبایی بویە.
