مرافەیگ لەبان کرا تەکسی چوودە خۊینی کابرایگ لە هەولێر

شەفەق نیوز/ وەڕیەوبەرایەتی پۆلیس پارێزگای هەولێر،  ئمڕوو سێشەممە،  خەوەردا لە کوشیان کابرایگ لە مرافەیگ لەبان کرای تەکسی لە قەزای بنەسڵاوە. 

وەڕیەوبەرایەتیەگە لە بەیاننامەیگ رەسیە ئاژانس شەفەق نیوز: بەش پۆلیس ناوچەی هاماری هەولێر ئاگاداری وە رووداو کوشتن وەرگرد، و هێزەیل پۆلیس هەولێر وەکوتپڕ رۊی کردنە شۆن رووداوەگە، و دەرکەفت ک هاووڵاتی بارزان نەسرولڵا ئەحمەد کەفتە وەر گولەی رانندەی تەکسییگ دۊیای مرافەیگ و قسەیل تونیگ لەبان کرای تەکسی، و دیاری کرد ک هاووڵاتیەگە وەکوتپڕ گیانی لەدەسدا.  

بەیاننامەگە وتیش؛ لێکۆڵینەوە وە رووداوەگە واز کریا ئەرا دەسگیرکردن توومەتبارەگە.