لە مانگ رەمەزان خوەینبەخشەیل ئەرا بیمارەیل تالاسیمیا لە سلێمانی کەمەو بوینە
2024-04-02T09:27:14+00:00
شەفەق نیوز/ کۆمەڵەی تالاسیمیا لە پارێزگای سلێمانی، ئمڕوو سێشەممە، داوا لە هاوڵاتیەیل کرد خوین بوەخشن وە تویشبویل بیماری تالاسیمیا، کە لەماوەی ئێ مانگە بڕەگەی کەمەوبویە.
کۆچەر کەریم سەرۆک کۆمەڵەی تالاسیمیا وە ئاژانس شەفەق نیوز وت "شمارەی ئەو کەسەیل سەردان بانک خوین کەن لەوەر مانگ رەمەزان کەمەوکردیە یەیش بویەسە هووکار کەمەوبوین خوین ئەرا بیمارەیل تالاسیمیا".
کۆچەر داواکرد لەو کەسەیلە توانای خوین بەشین دیرن "سەردان بنکەی بەخشین بکەن ئەرا قورتارکردن تویشبویل وەی بیماریە وە تایوەت ئەو کەسەیلە کەسوکاریان وە بارودۆخ دارایی سەختیگ رەدبوون نوایان گرێد لەسەنین خوین و چارەسەر وە نرخیگ فرە بەرز".
تالاسیمیا بیمارییگە لەری بۆهیڵەگان باوانەو گوازێد هەمیش وە "کەم خوینی کولی" ناسریاگە ناوەگەی چوودەو ئەرا پزیشک مناڵان ئەمریکی تۆماس کولی، کە ئەرا یەکەم جار لە ساڵ 1927 وەسف بیماریەگە کردهەمیش وە کەمخوینی دەریای ناوڕاسیش ناسریاگە، لە گوزەشتە لەوباوەڕە بوین بیماریەگە دانشتگەیل دەریای ناوڕاس گرێدەو باوجی دەرکەفت ئیە دروس نییە.
