پۆلیس سلێمانی تەرم پیاویگ "تەنیا" لە ماڵەگەی پەیاکەێد
2024-07-18T11:22:45+00:00
شەفەق نیوز/ وەڕێوەبەرایەتی پۆلیس سلێمانی، ئمڕوو پەنجشەممە، راگەیان تەرم پیاویگ پەیاکردنە ماوەی سێ رووژە لەناو ماڵەگەی مردیە لە یەکگ ناوچەیل پارێزگاگە.
قسەکەر فەرمی وەڕێوەبەرایەتیەگە سرکەوت ئەحمەد وە ئاژانس شەفەق نیوز وت، "شەوەکی ئمڕوو زانیاری وەپیمان رەسی لە هەبوین تەرمیگ لەناو ماڵیگ لە کویچەی زەرگەتەی سلێمانی، و پیاوەگە وە تەنیا لەناو ماڵەگەی زندگی کردیە و تەمەنی 43 ساڵان بویە".
وتیش "هاوسای ئەو کەسەی مردیە خەوەردار کەسوکارەگەی کردیە لە رویداوەگە لەدویای ئەوەگ بوو "ناخوەشیگ" لە ماڵەگە دەرچگە و خەوەردار پۆلیس کردنە و تەرمەگە رادەس پزیشک دادوەری کریاس".
وتیش "پیاوەگە لەوەر بیماری مردیە لە قێ تەرمەگەی هویچ چشتیگ نییە کە گومان دروس بکەێد مردنەگەی وە کاریگ ئەنقەست بویە بەڵام پزیشک دادوەری هووکار کۆتایی مردنەگەی خەێدە روی".
