لە دۊیاترین رووژ سەردانەگەی.. نێچیروان بارزانی لە لەندەن چەوی کەفێدە بین زاید
شەفەق نیوز/ لە دۊیاترین رووژ سەردانەگەی ئەرا بەریتانیا، نێچیروان بارزانی سەرۆک هەرێم کوردستان لەلایەن محمد بین زايد ئال نهەیان شازادەی ئەبوزەبی جیگر فەرماندەی باڵای هێزە چەکدارەیل ئیمارات و سەرۆک ئەنجومەن جیوەجیکردن ئیمارەت ئەبوزەبی پیشوازی لەلی کریا.
سەرۆکایەتی هەرێم کوردستان لە بەیاننامەیگ ئمڕوو شەممە وت: ئەل چەوپیکەفتنەگە باس پەیوەندیەیل هەرێم کوردستان و عراق وەرد ئیمارات کریا، و رەوش سیاسی و هەڵبژاردن، و پێشبینیەیلە دەربارەی دویارووژ عراق، و سەردان هەردوگ لایەنەگە ئەرا بەریتانیا، و چەوپیکەفتن و گفتوگۆیان وەرد بوریس جونسون سەرۆک وەزیرەیل بەریتانیا، و دۊیاترین نووەوبۊیەیل و گەشەی ناوچەگە وەگشتی.
بەیاننامەگە وتیش؛ هەردوگ لایەنەگە دووپات و رێککەفتن لەبان گرنگی تەقەلاداین و کار هاوبەشی کردن لە چوارچێوەی مقیەتیکردن ئارامی، و چارەکردن ململانە و ژاوەژاوەیل ناوچەگە ز و راییل خوەیان لەی باوەتەیلە باس کردن.
