كوردستان هووكار وه‌پيداين موڵه‌ت و سه‌ردان زيندانيه‌يل ده‌رخست
شه‌فه‌ق نيوز/ وه‌زاره‌ت كار و كاروبار كۆمه‌ڵايه‌تى له حكومه‌ت هه‌رێم كوردستان، ئه‌و هه‌واڵه‌يله خسته دروو ك له‌لايه‌ن بريگ له كه‌ناڵه‌يل ره‌سانن و تووڕ په‌يوه‌نديه‌يل كۆمه‌ڵايه‌تى بڵاو كريا له‌باره‌ى وجوود تويشبوين له‌ناونى زيندانيه‌يل خاسسازى گه‌ورايه‌يل له پاريزگاى سلێمانى.
له‌ى باوه‌ته‌و، وه‌ريه‌وبه‌رايه‌تى خاسسازى گه‌ورايه‌يل له سلێمانى له به‌ياننامه‌يگ ئه‌را ئاژانس شه‌فه‌ق نيوز وت: جى داخه بريگ له كه‌ناڵه‌يل ئاسمانى و تووڕه‌يل په‌يوه‌ندى كۆمه‌ڵايه‌تى ئاماژه وه گومان ئه‌كه‌ن له‌باره‌ى بڵاوبوينه‌وه‌ى ڤايرۆس كۆرۆنا له خاسسازى گه‌ورايه‌يل له سلێمانى.
وه‌ريه‌وبه‌رايه‌تيه‌گه له‌باره‌ى هووكاره‌يل هه‌ڵوه‌شاننه‌وه‌ى سه‌ردانه‌يل كه‌س وكار زيندانيكرياگه‌يل و موڵه‌ته‌يليانيش وت: ته‌نيا هووكار ئه‌وه‌سه مقه‌يه‌تى له بارودوخ ته‌ندروستى زيندانيه‌يل و كارمه‌نده‌يل و كه‌س وكاريان بكريه‌ێد له‌وه‌ر خاتر مقه‌يه‌تيكردن له ژيانيان له هه‌ر ئه‌گه‌ره‌يليگ تويشبوين وه ڤايرۆسه‌گه.
