كوردستان له‌باره‌ى 400 مليار ديناره‌گه و چوينێتى دابه‌شكردن مووچه ئاشكراكردنيگ دا
شه‌فه‌ق نيوز/ وه‌زاره‌ت دارايى و ئابوورى له حكومه‌ت هه‌رێم كوردستان، ئاشكراى بژارده‌يلى كرد له‌باره‌ى ئه‌و بڕه داراييه ك به‌غدا ئه‌راى هه‌واڵه‌ى كردگه وه‌ل ئه‌و لايه‌نه‌يله ك قه‌رز له‌ليان كردگه له‌وه‌ر داين مووچه‌ى مانگ كانون دويه‌م گوزه‌يشت كارمه‌نده‌يل هه‌رێم.
وه‌زاره‌ته‌گه له به‌ياننامه‌يگ ئه‌را ئاژانس شه‌فه‌ق نيوز ئه‌وه ده‌رخست ئه‌و 400 مليار ديناره ك حكومه‌ت ناوه‌ندى خسته‌سه‌ى بان هساوه‌گه‌ى له‌ى دوياخره له‌چوارچيوه‌ى ريككه‌فتن گوزه‌يشت ناونى هه‌ولێر و به‌غدا ك 453 مليار دينار بويه، له‌وه‌ر ئامانجه‌يليگ سياسى و قه‌يران دارايى ئه‌را ماوه‌ى چه‌ن مانگيگ گير درياو دوياى جه‌ژن ره‌مه‌زان كه‌متر له‌و داراييه هه‌واڵه كريا، وه‌لێ سه‌رۆك حكومه‌ت هه‌رێم بڕيار دا گشت مووچه‌ى كارمه‌نده‌يل وه‌رجه جه‌ژن دابه‌ش بكريه‌ێد وه‌هه‌ر شيوه‌يگ بويه.
وه‌زاره‌ته‌گه وت: حكومه‌ت هه‌رێم له‌وه‌رخاتر جيوه‌جيكردن ئى ئه‌ركه، قسه وه‌ل كۆمپانياى نه‌فت كرد له‌وه‌ر ئه‌وه‌گ وه‌رگرتن هه‌قده‌سه‌يلى دويا بخه‌ێد ئه‌را وه‌خته‌يليگ دياريكرياێ، ك وه‌و جووره تويه‌نست 375 مليۆن دۆلار له فرووشتن نه‌فت گرده‌و بكاو هه‌قده‌س كۆمپانيايه‌يل دويا بخه‌ێد.
