کەشناسی هەرێم کوردستان کەشوهەوای 48 ساعەت ئایندە دیاری کەێد
2024-02-27T08:17:10+00:00
شەفەق نیوز/ دەسەی کەشناسی و زەویلەرزەناسی هەرێم کوردستان، ئمڕوو سێشەممە، کەشوهەوای 48 ساعەت ئایندە بڵاوکرد.
دەسەگە لە بەیاننامەیگ رەسیە ئاژانس شەفەق نیوز راگەیان "ئمڕوو ئاسمان ساماڵ و لەکەئەورە، و پلەی گەرمی نزیکە لە توومارەیل دویکە" ئاشکەرایکرد "سوو چوارشەممە ئاسمان ساماڵ و لەکەئەورە و تونی وا مامناوەنە ها لە ناوەین ( 10 – 20 )کم/س لە سنوور پارێزگای سلێمانی و کەرکوک و گەرمیان گاجاریگ بارزەوبوود ئەرا بان 25کم/س.
بەرزترین پلەی گەرمی مەزەنەکریاگ وە پلەی سیلیزی:
هەولێر : 13
سلێمانی : 11
دهۆک : 13
کەرکوک : 16
هەڵەبجە : 11
زاخۆ : 14
سۆران : 10
حاجی ئۆمەران : 2-
گەرمیان : 16.
