کەشناسی هەرێم مەزەنەیل کەشوهەوای دوو رووژ راگەیان

وەڕیوبەرایەتیەگە لە بەیانامەیگ راگەیان، " ئمڕوو دووشەممە، ئاسمان ئاڵشتبوود ئەرا نیمە ئەور لەناوچە کویەیلەی سنوور پارێزگای دهۆک ئاڵشتبوود ئەرا ئەور تەواو لەوەخت ئیوارە، پرزە وارانیش هاوەگەردیا لەبان بەشیگ لە ناوچە کویەیلەی پارێزگای دهۆک، و پلەی گەرمی نزیکە لە توومارەیل دویکە".

ئاشکەرایکرد، " سوو سێشەممە، ئاسمان نیمەئەورە بڕیگ وەخت ئاڵشتبوود ئەرا ئەور تەواو، و لەبان ناوچە جیاوازەیل واران وەشیوەی نمەنمە وارێد لە وەخت شەوەکیەگەی وەتایوەت لە ناوچە کویەیلە".

ئاشکەرایکرد، " لەدویای نیمەڕوو ئاست وارین کەمیگ زیاترەوبوود وە تایبەت لە ناچەیل سنوور پارێزگای دهۆک و ناوچە کویەیلە، سەنتەر پارێزگای هەولێر و سلێمانی  و هەڵەبجە هاتێ نمەواران کەمیگ بوارێد".

کەشناسی دیاریکرد پلەی گەرمی وە 2_5 پلە داوەزین وە خوەی دوینێد.

بەرزترین پلەی گەرمی مەزەنەکریاگ وە پلەی سیلیزی:

هەولێر     :  29 پلەى سیلیزى

سلێمانی   : 28 پلەى سیلیزى

دهۆک      : 26  پلەى سیلیزى

کەرکوک   : 30 پلەى سیلیزى

هەڵەبجە   : 29 پلەى سیلیزى

 زاخۆ        : 27 پلەى سیلیزى

حاجی ئۆمەران: 19 پلەى سیلیزى

سۆران :      28  پلەى سیلیزى

گەرمیان  :  34  پلەى سیلیزى.