کەشناسی مەزەنەیل کەشوهەوای دوو رووژ سەرەتای جەژن ئاشکەراکرد
2023-04-19T10:33:49+00:00
شەفەق نیوز/ کەشناسی هەرێم کوردستان، ئمڕوو چوارشەممە، مەزەنەیل کەشوهەوای دوو رووژ سەرەتای جەژن راگەیان و باس لەوەش کرد لە ناوچەیل کویەیلە و بڕیگ شوین واران وارێد.
کەشناسی هەرێم لە بەیانامەیگ راگەیان، سوو پەنجشەممە ئاسمان نیمەئەورە و جاروجار ئەرا ئەور تەواویگ ئاڵشتبوود هاتێ وارن بوارێد لە ناوچە کویەیلە و سەنتر شار دهۆک و دەوروگەردی وەگەرد بەشیگ لەناوچەیلیگ جیاجیا پارێزگای هەولێر، پلەی گەرما وە گشتی کەمیگ روی لە نزمبوین کەێد.
دیاریکرد، رووژ جومعە ئاسمان نیمەئەورە وەگشتی وەگەردیا هاتێ کەمیگ واران بوارێد لەبان ناوچە کویەلە و بەشیگ لە سنوور پارێزگای سلێمانی و هەڵەبجە، وەگەرد نزمەوبوین پلەی گەرما 2 تا 3 پلەی سیلیزی.
دیاری کردیش، رووژ شەممە ئاسمان نیمەئەورە وەرد کەمیگ نزمەوبوین پلەی گەرما وە نزیکەی 1 ئەا 2 پلەی سیلیزی، و دیارییش کرد، هاتێ کەشوهەوا ئاڵشتبوود، لەماوەی ئی چەن رووژە لەئەنجام ناجیگیری کەش ناوچەگە.
