شاندیگ ئەمنی فیدڕاڵی رەسێدە سلێمانی. وینە
پەیامنێر ئاژانس شەفەق نیوز لە سلێمانی وت: فڕۆکەیگ تایبەت لە فڕۆکەخانەی ناودەوڵەتی سلێمانی لە ساعەت دوو دویای نیمەڕو نیشتەو، و شاندیگ ئەمنی وە سەرۆکایەتی قاسم ئەعرەجی راویژکار ئاسایش نەتەوەیی وەگەرد فەرماندەیل ئەمنی پایەبەرز لەناوی بوی.
هەرلە جەلال شێخ ناجی سەرۆک دەزگای هەواڵگری و وەهاب هەڵەبجەیی سەرۆک دەزگای دژەتیرۆر لە یەکێتی و شاڵاو کۆستەر رەسوڵ ئەندام سەرکردایەتی لە یەکێتی نیشتمانی کوردستان لە پیشوازیکردن شاندەگە بوین.
وتیش: بڕیارە شاندەگە گردەوبوین فراوانیگ وەگەرد فەرماندەی ئەمنی لە سلێمانی وەڕیەو بوەێد، و سەردان شوین رویداوەگە لەنزیک فڕۆکەخانەگە بکەێد.
پەیامنێر ئاژانسمان وتیش: شاندەگە ئەوەسا کەفێدە شوین شیوەی گورزەگە ئەگەر وە فڕۆکەی بیفڕۆکەوان بویە یا گورزیگ ئاسمانیە، و کی ئەو پەلامارە جیوەجی کردگە، هەرچەن هویچ زەرەدیگ دارایی یا مرۆیی توومار نەکریاگە.
پەیامنێر ئاژانس شەفەق نیوز وتیش: کلگەیل توومەت ئیرنگڵ وەرەو تورکیا دڕا کریانە، ک تەقەلا داگە یەکیگ لە سەرکردەیل کورد سوریا مەوقەی دەرچگنی لە فڕۆکەخانەگە بکەێدە ئامانج، ک وەگەرد سێ سەرباز ئەمریکی بویە.
