سەرۆک هەرێم کوردستان پەیامیگ دەربارەی پەلامارەگەی هەولێر ئاڕاستەی کۆمەڵگای ناودەوڵەتی کەێد
بارزانی لە بەیاننامەیگ رەسیە ئاژانس شەفەق نیوز داوا لە ئەنجومەن ناودەوڵەتی و نەتەوە یەکگرتووەکان کرد ک مەترسیەیل ئی پەلامارە وە جدی بگرن، و کار ئەرا کۆتاییهاوردن ئەو مەترسیەیلە بکەن ک بوونە هەڕەشەیگ لەبان خاک هەرێم کوردستان وەدەسمیەتی حکومەت عراق لە جیوەجیکردن دەستور عراقی وەتایبەت مادەی ١٤٠.
سەرۆک هەرێم کوردستان داوا لە سەرۆک ئەنجومەن وەزیران فەرماندەی گشتی هێزە چەکدارەگان و فەرماندەیل هێزەیل هاوپەیمان ناودەوڵەتی لە عراق کرد، وەزویکردن لە داناین میکانزمیگ هەماهەنگی وەگەرد هەرێم کوردستان، و کار و هەماهەنگی هێزەیل ئاسایش و پێشمەرگە وەگەرد سوپا و دەزگا و هێزە عراقیەگان وەیەکەو بکەن و وەبەشداربوین هاوپەیمان ناودەوڵەتی لە ناوچەگە.
بارزانی وتیش؛ نەمەنی هەماهەنگی و هەسی هێز و کۆمەڵەیلیگ چەکدار لە دەیشت فەرمانەیل دەسەڵات حکومەت فیدڕاڵی، ئاڵووزییگ لەناوچەگە دروس کرد، و بویە هووکار وەردەوامی هەڕەشەگان ئەرا هەرێم کوردستان، و داوا لە موستەفا کازمی سەرۆک وەزیران کرد وەزوی دەس بکەێدە دەسەی لێکۆڵینەوەی هاوبەش لەناوبەین حکومەت هەرێم کوردستان و حکومەت فیدڕاڵی، و تاوانکارەگان پەیا بکەێد و سزایان وەگورەی یاسا بیەێد.
