سەردانەگەی نێچیروان بارزانی ئەرا سلێمانی ئاوەیل وسیاگ جویلنێد
شەفەق نیوز/ نێچیروان بارزانی سەرۆک حکومەت هەرێم کوردستان، سەردانیگ ئەرا پارێزگای سلێمانی جیوەجی کرد، ئەرا چەوپیکەفتن وەرپرسە سیاسیەکان لە بزووتنەوەی گۆڕان و یەکێتی نیشتمانی کوردستان، ک بەشیگ وە یەکگردن رزەیل کورد لە بەغداد دانادەی، وەهاووەخاتی وەگەرد نزیکەوبوین مەوقەی هەڵبژاردن پەرلەمانی لە عراق.
عەباس عەزیز وەرپرس راگەیانن لە نویسینگەی پەیوەندیەیل یەکێتی نیشتمانی، ئەرا ئاژانس شەفەق نیوز وت: سەردانەگە گرنگە و لەوەختیگ تیەێد ک ئامادەکاری ئەرا هەڵبژاردن هاتگ کریەێد، ئەرا یەکگردن را و هەڵوێستەیل کوردی وەرانوەر شایستەیل کورد لە بەغداد.
و نشان دا ک سەردانەگەی سەرۆک هەرێم ئەرا پارێزگای سلێمانی ئەرا دووپاتکردن لەبان گرنگی یەکڕزی و یەک قسەیی تیەێد ئەڕا مقەیەتیکردن دەسکەفتەیل لە بەغداد.
لەلای خوەییش نووسەر رۆژنامەوانی نوری حەمدانی ئەرا ئاژانس شەفەق نیوز وت: سیمای سیاسی لە هەرێم کوردستان دەسکردە جوولە لە لایەن سەرۆک هەرێم وەرەو ئەو حزب و هێزە سیاسیەکان جوور باوگیگ ئەرا گشت هێزە کوردستانیەکان وەبی جیوازی، و خوەی پەیامیگە ک ئویشێد: هەڵبژاردن هاتگ ئەوەسا دەسپاک و یەکسانی لەناونی حزبەیل بوود.
وتیش؛ رەوشە سیاسیەگە لە هەرێم فرە ئاڵشت بوود، لەوەر ئی هاوپەیمانەیی و جوولەیلە چوینکە سیماگەی ئەوە بوی ک حزبە گەوراکان خوەیان خاوەن دەرفەت گەوران لە ململانەی هەڵبژاردن چونکە لەناو جادەی کوردی قورسی خوەیان دیرن.
هەمیش وت؛ یاسای هەڵبژاردنە نووەگە، ک لە کۆنەگە جبوازە، هیشت ئەو ئاو وسیاگ ئەو حزبەیلە جوولە بکەێد.
