سه‌ركرده‌يگ له پارت كارگه‌ره‌يل تاريف ئه‌نجامده‌ره‌يل په‌لاماره‌گه‌ى هه‌ولێر كرد
2019-07-25T11:01:38+00:00
شه‌فه‌ق نيوز/ باهوز ئه‌ردال سه‌ركرده له پارت كارگه‌ره‌يل كوردستان، تاريف ئه‌نجامده‌ره‌يل ئه‌و په‌لامار چه‌كداريه كرد ك ئاشخانه‌يگ له‌ناوڕاس شار هه‌ولێر پايته‌خت هه‌رێم كوردستان گرته ئامانج.
له‌و باوه‌ته‌و، هووكاره‌يل ره‌سانن سه‌ر وه‌و حزبه له زووان ئه‌رداله‌و وتن: ده‌سخوه‌شى له هه‌ركه‌سيگ ئه‌كه‌م ئه‌و كاره ئه‌نجام داگه، ئه‌ويش له ئاماژه‌يگ ئه‌را ئه‌و په‌لاماره ك له 17ى ته‌مووز ئى مانگه روێداو جيگر كونسڵ گشتى توركى له هه‌ولێر و دو هاووڵاتى له هه‌رێم كوردستان له‌تى كوشيان.
جى باسه، يه‌يش يه‌كه‌م لێدوان فه‌رميه ك له‌لايه‌ن پارت كارگه‌يل كوردستانه‌و ده‌ربچێد له‌وه‌ختيگه‌و ئه‌و په‌لاماره روێداگه, ك هه‌رچه‌نى حزبه‌گه زويتر وه‌رپرسيارێتى خوه‌ى وه‌رانوه‌ر ئه‌و په‌رماره وه دوير گرت.
