سلێمانی.. زەویلەرزەیگ وە تونی 4.3

شەفەق نیوز- سلێمانی

وەڕێوەبەر بەش چەودیاری زەویلەرزە، لە دەسەی کەشوهەوا، عەلی عەبدولخالق، رووژ دووشەممە، خەوەردا لە تومارکردن زەویلەرزەیگ کە هازەگەی رەسیە 4.3 پلە لەبان پەیمانەی رێختەر لە خوەرەڵات شار سلێمانی کە شار روشنهویری و وەیەکەوژیانە.

عەبدولخالق ئەرا ئاژانس شەفەق نیوز وت، چەودیارییەیل بەشەگە زەویلەرزەیگ تومار کردن کە هازەگەی رەسیە 4.3 پلە لەبان پەیمانەی رێختەر، لە خوەرەڵات شار سلێمانی رۊی دا، دیاری کرد کە زەویلەرزەگە شوینەگەی دیاری کریا وەپای داتایەیل توڕ نیشتمانی ئەرا چەودیاریکردن زەویلەرزە لە خوەرەڵات شارەگە بویە. 

هەمیش وت کە زەویلەرزەگە لە قۊلاییگ سروشتی رۊی دا، وە وردی لەلایەن وێستگەیل زەویلەرزەیی سەروە دەسەگە چەودیاری کریا، دیاری کرد کە تا ئیسە هیچ راپۆرتیگ لەباوەت کەفتن زەرەدەیل گیانی یا زەرەدەیل ماددی وە مدوو زەویلەرزەگە نەڕەسیە.

عەبدولخالق دیاری کرد کە زەویلەرزە سووک تا مامناوەندەیل لە دیاردە سروشتییەیلە حیساب کریەن کە ناوچە سنوورییە باکووری و خوەرەڵاتییەیل لە عراق ناوە ناوە وەخوەیان دوینن، وە مدوو نزیکییان لە پشتینە لەرزەییە چالاکەیل، وتیش کە دەسەگە وەردەوامە لە چاودیاریکردن چالاکی بومەلەرزەیی لە تەواو سەعاتەیل لەڕی توڕ چەودیارییە بڵاوەبۊیەیل لە پارێزگا جیاجیایەیل.