سلێمانی داوای چەسپان قەیەغەی گواستنەوە لە ناونی هەرێم و ئەو بەشەیل عراق کەێد
شەفەق نیوز/ وەڕێۆبەرایەتی تەندروسی لە پارێزگای سلێمانی، ئمڕوو شەممە، داوا لە دەسەڵاتەیل هەرێم کوردستان کرد قەیەغە لەبان جوولەی گواستەوە لەناونی پارێزگایل هەرێم و ئەو شار و ناوچەیل عراق بچەسپنێد، ئەرا نواگردن لە زیایبویەکان تووشهاتنەیل ڤایڕۆس کۆڕۆنا.
دکتۆر سەباح هەورامی وەڕێۆبەر تەندروسی گشتی لە پارێزگاگە لە وتاریگ ئەرا رووژنامەنووسەیل وت: بنچینە نووە ئاڵشتبویەگە تا ئیسە نەهاتگەسە ناو سلێمانی.
و ئاماژە کرد ک رێژەی تووشهاتنەکان وە پەتاگە وەشیوەی کەمیگ بەرزەو بوی، و دیاری کرد ک ٥٠٪ لە تووشهاتنەکان لە سلێمانی خوەیان لە دەیشت هەرێم کوردستان وەتایبەت لە ئیران تیەن.
دکتۆر هەورامی وتیش: هاتن سەردانکەرەیل لە دەیشت و ناو عراق وەرەو ناو هەرێم بویەسە خاڵە لاوازەگەی هەرێم کوردستان، و داوای وسانن هاتن کەسەکان لە دەیشت هەرێم کەیمن تا نوای بەرزەوبوین رێژەی تووشهاتنەکان وە پەتاگە بگریەێد، و هەمیش وت: ئی کارە تەنیا لە دەسەڵات وەزارت ناوخۆی هەرێمە.
