سلێمانی...پەیاکردن تەرم پیاویگ ک 4 رووژە دیاری نییە
2023-03-20T09:43:08+00:00
شەفەق نیوز/ سەرچەوەیگ ئاگادار لە سلێمانی، ئمڕوو دووشەممە، خەوەردا لە پەیاکردن تەرم پیاویگ لەناو ماڵیگ ک لە بارودۆخ نادیاریگ مردیە.
سەرچەوەگە وە ئاژانس شەفەق نیوز وت، " پیاوەگە تەمەنی 45 ساڵە وەرجە چوار رووژ دیاری نەمەنیە، وەلایەن هێزەیل ئاسایش مینەکردن و لێکۆڵینەوە ئەرای کریاس و شەوەکی ئمڕوو تەرمەگەی لە ناوچەی ( کەنە سوور ) لەناوڕاس شار سلێمانی لەناو ماڵیگ پەیاکریاس".
وتیش" پیاوەگە وەلایەن کەسەیلیگ عەرەب کوشیاگە و لەو ماڵە لەچاڵ نریاس".
وەرپرس لێکۆڵینەوەیل ئاسایش سلێمانی عەمید پشتیوان بەهائەدین لە کۆنگرەیگ رووژنامەوانی ک ئاژانس شەفەق نیوز ئامادە بوی دووپاتکرد" ئۆپراسیۆن مینەکردن ئەرا تەرم کوشیاگە دەسوەپی کریاس وەپای فەرمان دادوەر لێکۆڵەر و توومەتبارەیل دەسگیرکریانە و ئیرنگە لێکۆلینەوە وەگەردیان بەردەوامە ئەرا رەسین وە هویردەکاریەیل رویداوەگە".
وتیش، هاوڵاتیە کوشیاگە خەڵک بەکرەجۆە و پیشەی کاسبە و بکوشەیلی خەڵک دەیشت هەرێم کوردستانن.
