ڤیستواڵ ناودەولەتی بازاریکردن سلێمانی دەسوەپی کرد
شەفەق نیوز/ ئمڕوو جومعە ( 11 ئادار/مارس 2022)، دەسکریا وە خول چوارەم چالاکیەیل وەهار ناودەوڵەتی لە پارێزکای سلێمانی، ئەرا ماوەی دە رووژ وەردەوامە.
چالاکیەیل تا 20 ئی مانگە وەردەوامە، خستنەرۊ بەرهەمیل خوەراکی و بازرگانی گرێدە خوەی وە بەشداری ناوخوەیی و بیانی.
وەرپرسەیل لەباوەت ڤیستواڵەگە قسەکەن ک سازدریایە و ئامانجەیل ڤستواڵەگە ک " دەسمیەتیدان هاوڵاتیەیلە ئەرا دەسکەفتن کەرەستەیلە ک پێویستی کەن وەکەمترین نرخ."
وەڕێەوبەر پەیوەندی و راگەیانن پیشەنگا شەوقی عومەر مەحموود لە کۆنگرەیگ رووژنامەوانی ک ئاژانس شەفەق نیوز ئامادەبۊی وت: " ڤیستواڵەگە دەسوەپیکرد وە سەرپەرشتی پارێزگای سلێمانی، و ژوور بازرگانی و بەرهەمهاوردن، و یەکێتی هاوردەکردن و کلکردن"، وتیش، ئی ڤیستواڵە رێکخریاگە وە بوونەی نزیکبۊن مانگ رەمەزان و جەژن نەوروز.
دیاریکرد،" ڤیستواڵەگە لە بان زەۊ پیشەنگای ناودەوڵەتی سلێمانی سازکریاس، مادەیل خوەراکی و کارەیل دەسرەنگینی و پێداویستیەیل جوانکاری و فەرش و پاکەوکەرەوەیل و گشت جۊرەیل دڵنگ و کەوش خریەێدە رۊ، لەری فروشتن راستەوخۆ لە بەرهەمهاوردن و هاوردەکردن ئەرا فروشتن.
مەحموود دووپات کرد ، وە بەشداری 170 کۆمپانیا لە گشت پارێزگایەیل وڵات وهەرێم بەشداری کردنە، بەش کەمیگ کارکەن لە وڵاتەیل مسر و سووریا ولوبنان و تورکیا و ئیران.
