زەخمداری دوو ئەندام پۆلیس گەرمیان وە گولە

شەفەق نیوز/ پۆلیس ئیدارەی گەرمیان لە هەرێم کوردستان، ئمڕوو دووشەممە، زەخمداری دوو ئەندام لە پۆلیس گەرمیان وە گولە راگەیان، ئەوەیش وە دەس خاوەن دوکانیگ. 

عەلی جەماڵ قسەکەر پۆلیس گەرمیان لە بەیاننامیگ رەسیە ئاژانس شەفەق نیوز وت: تیمەیل تەندروسی لە مەوقەی جیوەجیکردن ئەرکیان ئەرا وەشوینکەفتن پێشێلکارەیل لەلای بەشیگ لە دوکانەیل ناحیەی کۆکز لە قەزای کفری، یەکیگ لە خاوەن دوکانەیل دەسدرۊژی لەبان تیمە تەندروسیەگە کرد، و تیمیگ لە پۆلیس رەسیە شوینەگە، و هەنای ئەندامەیل پۆلیس خوازین هویردەکارەیل باوەتەگە بزانن، خاوەن دوکانەگە تەقە لەلیان کرد، و دوو ئەندام پۆلیس زەخمدار کرد، هەردوگیان بریانە خەسەخانە.  

وتیش: ئەو توومەتبارە ک تەقە کرد دەسگیر کریا، و هەواڵەی دادوەر لێکۆڵینەوە کریا، وەگورەی مادەی (٢٢٩ و ١٣٠) لە یاسای سزادانی عراقی.