رێواز فائق دەربارەی بڕین لە مووچەیل: من پۆلیس نییم تا حکومەت هەرێم بارمە پەرلەمان
شەفەق نیوز/ رێواز فائق خانمە سەرۆک پەرلەمان کوردستان، ئمڕوو سێشەممە، راگەیان ک هیچ وەڵامیگ لە حکومەت هەرێم وەرنەگردگە دەربارەی بەشداریکردنی لە دانیشتنیگ ئەرا باسکردن لە باوەت بڕین لە مووچەی فەرمانبەرەیل کەرت گشتی، و دووپاتکرد ک لاوردن ئی حکومەتە بڕیاریگ لە زۆرینەی پەرلەمان خوازێد.
ئەوەیش لە وڵامی لەبان داوایلیگ پەرلەمانی دووارەبویی لە حزبەیل ئۆپەزسیۆن هات، دووپات لە ئامادەبوین حکومەت هەرێم کوردستان ئەرا ژیر گومەزی پەرلەمان کەێد ئەرا باسکردن لەو باوەتە.
خانمە سەرۆک پەرلەمان وت: باسکردن باوەت بڕین لە مووچەیل وەبی ئامادەبوین حکومەت بی خودە، و دیاری کرد ک حکومەت وەڵام ئەو مکیسەیلە نەیاگە، و داوای دریژەکردن مەوقەی ئامادەبوینی ئەرا دانیشتنەگەیش نەکردگە.
هەمیش وت: خو من پۆلیس نییم تا حکومەتەگە بارمە ژیر گومەزی پەرلەمان، ک کابینەی وەزارەتی ئیسە خاوەن زۆرینەس لە پەرلەمان، و ئەگەر ئی زۆرینە بڕیار لاوردنی نەیەێد نێلاوریەێد، و بیلا کەسمان دەسپیچک ئەواکەمان نەکێد.
