رویکردن زانستی فرەیگ وەرەو ئەشکەفتیگ لە کوردستان دویای نمایشکردن فیلمیگ بەڵگەیەی لەبان "نەتفليكس".. وینە
وەڕیەوبەر فەرمانگەگە عەبدولوەهاب سلێمان ئەرا ئاژانس شەفەق نیوز وت: ئەو فیلمە وەناونشان The Real Neanderthal گرنگی فراوانیگ پەیا کرد، کە زیاتر لە دوو ملیار کەس لە گشت شوینەیل جەهان لەبان ئەنتەرنێت مینەی واژەی "كوردستان" کرد.
سلێمان وتیش: هەزاران کەس ئیرنگە خوازن سەردان ئی شوین میژوویا بکەنر تا لە نزیکەو بنووڕنە ئەو ئەشکەفتە کە ئایەم نیاندرتاڵ لەناوی بویە.
لە چوارچیوەی تەقەلایل زیایکردن هاتن گەشتیارەیل، سلێمان راگەیان کە فەرمانگەگەی وە هەماهەنگی وەرد وەڕیەوبەرایەتی گشتی ئاسەواری هەولێر وە هاوکاری زانکۆی کامبریدج بەریتانی، خوازن باخچەی گەورەیگ دروس بکەن مۆزەخانەیگ لەناوی بوود، ئەرا نمایشکردن سوخان ئایەم نیاندرتاڵ و ئەو چشتەیل ئاسەواریە کە لە کارەیل هەڵکەنین پەیا کریانە.
لەلای خوەییش، فەرهاد حسێن یەکیگ لە گەشتیارەیل کە وەگەرد خیزانەگەی ئەرا سەردان ئەشکەفتەگە هاتیە، ئەرا ئاژانس شەفەق نیوز وت: دویای نمایشکردن فیلمیگ بەڵگەیەی گرنگی گەورەیگ لەلامان کێوی بوی تا بزانبمن پوەلونتو ئی ئەشکەفتە هەس، وەلێ وەداخەو هویچ شوینیگ گەشتوگوزاری لەیرا نییە، ئومید خوازیمن حکومەت گرنگییگ زیاتر وەی ناوچە بیەێد.
