گەرمیان سزای وەرپرسیگ و فەرمانبەرەیلیگ دەێد لە مەوقەی دەوام فەرمی چینەسە پرسە
شەفەق نیوز/ ئیدارەی گەرمیان لە هەرێم کوردستان، ئمڕوو دووشەممە، فەرمان پرسیارکردن وەڕیەوبەریگ گشتی و بڕیگ فەرمانبەر دا، چوینکە لە مەوقەی دەوام فەرمی چینەسە بەشداریکردن لە پرسەیگ.
وەگورەی بەڵگەنامەیگ ئاژانس شەفەق نیوز نووڕیەی؛ سەرپەرشتیار ئیدارەی گەرمیان لە وەزارەت ناوخۆ، داوای لێکوڵینەوە وەگەرد وەڕیەوبەر گشتی کشتوکاڵی گەرمیان کرد، لەوەر بەشداریکردنی لە پرسەیگ لە مەوقەی دەوام فەرمی.
وەگورەی ئەو بەڵگەنامە ک لە ٢٩ ئاب ٢٠٢٢ وەدەس جەلال شێخ نووری سەرپەرشتیار ئیدارەی گەرمیان واژوو کریاگە؛ وەڕیەوبەر گشتی کشتوکاڵی لە گەرمیان وەگەرد شمارەیگ لە فەرمانبەرەیل مەوقەی دەوام فەرمی لە فەرمانگە دەرچینەسە بەشداریکردن لە پرسەیگ لە قەزای کفری.
لەو بەڵگەنامە هەمیش دیاری کریایە ک وەرجەیە هوشداری گشت وەڕێەوبەرایەتیەیل لە ئیدارەی گەرمیان کریاگە لە سەردان هەر بارەگایگ حزبی یا بەشداریکردن لە هەر ئاهەنگیگ ئاینی یا کۆمەڵایەتی لە ساعەتەیل کار فەرمی، لەوانەگ پەیوەندی وە کار فەرمانگەیلیان نەیرێد.
ئیدارەی گەرمیان داوا لە وەزارەت ناوخۆ کرد، ریکار وفەرمانەیل ئی باوەتە جیوەجی بکەێد.
