ئەرا یەکەم جارە.. وازکردن خەسەخانەیلیگ ئەرا خانمەیل بیمار دەروینی لە هەرێم کوردستان
شەفەق نیوز/ هەرلە وەزارەت کار و باوەتەیل کۆمەڵایەتی و وەزارەت تەندروسی لە هەرێم کوردستان، ئمڕوو سێشەممە، سێ خەسخانە ئەرا چارەکردن ئەو ژنەیلە واز کردن ک ژیان لە بیماری دەروینی وەخوەیان دۊنن.
کۆیستان محمد خانمە وەزیر کار لە کۆنگرەیگ رووژنامەوانی هاوبەش وەگەرد سامان بەرزنجی وەزیر تەندروسی، ئمڕوو، لە هەولێر وت" لەبان یاداشت دامەزرانن سێ خەسخانە ئەرا بیمارەیل دەرۊنی درویژماوە ئەرا خانمەیل واژوو کریا، و یە یەکەم جارە دویای ٣٠ ساڵ لە هەرێم کوردستان ئی خەسەخانەیلە بینا بکریەن، و دیاری کرد ک ئی خەسەخانەیلە وەشیوەیگ هاوبەش لەلایەن وەزارەت تەندروسی و وەزارەت مار و باوەتەیل کۆمەڵایەتی وەڕیەو بریەن.
وتیش: فرەی ئەو ژنەیل ک زیان لە بیماریەیل دەروینی درویژماوە وەخوەیان دۊنن کەفتنەسە بان کویچە وریەیل، و وەداخەو ک دەسدرۊژی سێکسی لەبانیان کریەێد، باوجی دادوەرەیل ئەرا ماڵ پیرەیل کلیان کەن، و یەیشە کار خراویگە لەبان کار وەزارەتمان.
هەمیش وت: وەفەرمان سەرۆک حکومەت بڕیار وازکردن ئی سێ خەسخانە لە پارێزگایل هەولێر و سلێمانی و دهۆک دریا، وتیش؛ ئامادەکاریەیل تەواو کردیکن، و ئەوەسا وەی نزیکە خەسەخانەیلە واز کەیمن پیشوازی لە خانمە نیمارەیل لەناویان کەیمن، و ئەرک کار چەودیریکردن کەفێدە بان وەزارەت کار، و وەزارەت تەندروسی چارەسەر خانمە بیمارەیل کەێد.
لەلای خوەییش سامان بەرزنجی لەناو کۆنگرەگە وت: گردەوبوین ئمڕوو لە ئەنجام زنجیرەی گردەوبوینەیلیگ هات ک وەرجەیە هەردوگ وەزارەتەگە ئەنجامیان دانە، و دیاری کرد ک ئی خەسەخانەیلە ئەوەسا لەلای دەروینی چارەسەر خانمە بیمارەیل کەێد، تا دووارە وەگەرد کۆمەڵگا بکەفنە گونجیان.
و باس خەفەت خوەی کرد لە بەرزەوبوین ئاست خانمە بیمارە سەرگەردانەیل لەناو جادەیل ووت: ئیڕنگە کار ئەرا نواگردن ئی سیما کریەێد، و شوینەیلیگ دیاری کریا ک لەناویان داکاسیەن، باوجی یە بەش نیەکەێد، چوینکە خوەیان شوینەیلیگ خوازن ک تا ماوەیگ درویژتر وە دابینکردن چارەسەری مقیەتییان بکەێد، و یەسە ک خەسەخانەیلە ئەوەسا جیوەجیی کەن.
