ئەرا یەکەمجارە.. گەنجیگ کورد سەرۆکایەتی گردەوبوینیگ ناودەوڵەتی لە نەتەوە یەکگرتگەیل کەێد
شەفەق نیوز/ ڕەمەزان ئیسماعیل ئەو گەنج کوردە، ئمڕوو شەممە، گردەوبوینیگ ناودەوڵەتی لە نەتەوە یەکگرتگەیل لەباوەت وەڕیەوبەردن ئەنتەرنێت لە جەهان وەڕیەو بەێد.
ئیسماعیل ئەرا ئاژانس شەفەق نیوز وت: یە یەکەم جارە ئی گردەوبوینە لە خوەرهەڵات ناوڕاس کریەێد، ک ئوردن گردێدەی خوەی، و یە یەکەمجارە گەنجیگ کورد عراقی ئی کۆنفرانسە وەڕیەو بەێد، ک ساڵانە لەباوەت وەڕیەوبەردن ئەنتەرنێت لە جەهان ئەنجام دریەێد.
وتیش: ئەوەسا چیرۆکیگ ڤیدیۆ توومار کریاگ لەباوەت دویەتیگ کورد پیشکەش کەێد ک باوانی کەفتنە وەر هەڵمەتەیل ئەنفال وەدەس رژیم وەرین عراق لەبان گەل کورد.
ئمڕوو دویاترین دانیشتن کۆنفرانسەگە وەڕیەو چوود، ک لە رووژ سێشەممەی گوزەشتە وە بەشداریکردن دەوڵەتەیلیگ بیگانە و عەرەوی دەسوەپی کرد، وە چەودیریکردن نەتەوە یەکگرتگەیل لە عومان پایتەخت ئوردن.
نەتەوە یەکگرتگەیل، لە ساڵ ٢٠١٩ ڕەمەزان ئیسماعیل جویر باڵیۆز جەهانی ئەرا گەنجەیل عراق دیاری کرد، تا بوودە یەکەم عراقی بوودە خاوەن ئی نازناوە.
رەمەزان ئیسماعیل شێروانی لە ساڵ ١٩٩٧ لە شار هەولێر لەداڵگبویە، و یەکیگە لە کەسیایەتیە گورجەیل لە چین ماف گەنجەیل لە نەتەوە یەکگرتگەیل.
