ئەرا پاڵپشتیكردن گەنج...سلێمانی کارەیل دەسڕەنگینی و تابلۆیەیل هونەری گرێدەخوەی
2023-07-19T09:58:37+00:00
شەفەق نیوز/ ئمڕوو چوارشەممە، پیشانگایگ کارەیل دەسڕەنگینی و تابلۆیەیل هونەری وازکریا، ئەرا پاڵپشتیکردن گەنجەیل پارێزگای سلێمانی، ئەوەیش وەبوونەی چوارەم ساڵیاد دروسبوین کابینەی نۆهەم حکومەت.
نامۆ ئەحمەد سەلام، وەڕیەوبەر نویسینگەی دامەزراو کوردستان 24 سلێمانی وە ئاژانس شەفەق نیوز راگەیان، " یەکیگ لە بەرنامەیل کابینەی نۆهەم گرینگیدانە وە خواستەیل گەنجە و دابینکردن دەرفەت کارکردنە ئەرایان، لەی روانگەو ئمڕوو هەڵسیایمن وە وازکردن ئێ پێشەنگا".
وتیش، " پێشەنگاگە لە کارخانەی سیگارەگە وازکریاس و 100 گەنج بەشدارن هەریک لەوانە بەرهەمەیل خوەی پێشکەش کەێد ئەرا دەرخستن توانایەیلی و ئاڵشتکردن توانایەیلی ئەرا سەرچەوەی بژێوی".
دووپاتکرد" پێشەنگاگە تا ساعەت هەشت ئمشەو وەردەوامە، هەمیش داوای " پاڵپشتی ئەرا خیزان ئەو گەنجەیلە "کەێد.
