دەسکریا وە کۆنفرانس ناودەوڵەتی زانستە مرۆڤایەتیەيل لە هەولێر.. وینە
یەحیا ئەحمەد (بەشداربوی لە کۆنفرانسەگە) وە ئاژانس شەفەق نیوز وت، "لە کۆنفرانسەگە گفتوگوکریاس لەبان شمارەیگ لە دۆسیەیل پەیوەنیدار وە زانست مرۆڤایەتی و ئامانجەیلی ئەرا گەشەداین تاکەکەس کە بەشداری لە وەڕێوەچگن کۆمەڵگا کەێد بیجگە لە شمارەیگ لە گفتوگو وە بەشداریکردن لێکۆڵەرەیل ئەرا گفتوگوکردن لەی باوەتە".
وتیش "ئو باوەتەیلە لە کۆنفرانسەگە خریارە روی پەیوەنی وە لایەن مرۆڤایەتی و کۆمەڵایەتی و سیاسی و فەلسەف و چشتەیل ترەک دیرێد".
پەیامنێر ئاژانس شەفەق نیوز وت کۆنفرانسەگەناونیشان "بونیاد نان تاکەکەس لە پێناو کۆمەڵگە" هەڵگردیە، 200 لێکۆڵینەوەی زانستی و توێژینەوەیل لە مژارە جیاوازەیل پێشکەش کریاس وە لایەن لێکۆڵەرە ناوخوەیی و بیانیەیل.
وتیش، کۆنفرانسەگە ل زانکۆی سەڵاحەدین لە هەولێر رێکخریا وە هاوکاری زانکۆیەیل ترەک، یەیش جویر بەشیگ لە چالاکیەیل زانستی و رووشنهویری زانکۆگە، دیاریکرد چالاکی کۆنفرانسەگە تا ماوەی دوو رووژ وەردەوامە.
