دۊیای داوەزین گەورەیگ.. تۊشهاتنەیل کۆڕۆنای هەرێم کوردستان دووارە بەرزەو بوون
2021-09-26T14:55:37+00:00
شەفەق نیوز/ شمارەی تۊشهاتنەیل رووژانەی ڤایرۆس کۆڕۆنا لە ناوچەیل هەرێم کوردستان، ئمڕوو یەکشەممە، دووارە بەرزەو بۊی.
وەزارەت تەندروسی لە بەیاننامەیگ رەسیە ئاژانس شەفەق نیوز وت: لە ماوەی ٢٤ سەعات گوزەیشتە ٧٦٣٣ تاقیکردنەوە ئەنجام دریاگە لەناویان ١٢٦٥ تۊشهاتن نوو ئاشکرا بۊی، و هەمیش باس مردن ١٤ بیمار لە گشت ناوچەیل هەرێم کوردستان کرد.
وەزارەتەگە وتیش؛ لە وەخت بڵاوبۊن پەتاگە لە هەرێم کوردستان، ٢١٨٧١ بیمار کەرەنتین کریانە، و ٣٠٩٥٧٧٠ تاقیکردنەوە ئەنجام دریاگە، و ٣٢٦٦٩٧ تۊشهاتن توومار کریاگە، و لەلیان ٢٩٠ ٩٦٧ بیمار خاسەو بۊینە، و ٥٨٠٩ مردنە.
