دويه‌تيگ له ئيلام فه‌يلى وه بوونه‌ى فه‌قيرى و نه‌دارييه‌و خوه‌ى كوشت
2020-04-12T21:10:51+00:00
شه‌فه‌ق نيوز/ دويه‌تيگ ته‌مه‌ن 12 ساڵان، له‌وه‌ر فه‌قيرى و نه‌دارى خيزانه‌گه‌يه‌و له ناحيه‌ى هليلان له پاريزگاى ئيلام فه‌يلى ئاگرى له جه‌سه‌ى خوه‌ى وه‌رداو خوه‌ى كوشت.
له‌و باوه‌ته‌و، عه‌لى ئه‌كبه‌ر به‌ستامى ئه‌ندام سه‌ركه‌فتگ له هه‌ڵوژاردنه‌يل ئه‌نجومه‌ن شوراى ئيرانى له‌بان پاريزگاى ئيلام دوياى ديداريگ وه‌ل خيزان دويه‌گه، وت: ئه‌و دويه‌ته له‌وه‌ر فه‌قيرى و نه‌دارى خيزانه‌گه‌ى خوه‌ى كوشتگه.
باس له‌وه‌يش كرد باوگ دويه‌ته‌گه كه‌مئه‌ندامه‌و وه پله‌ى سه‌ره‌كى پشت وه ده‌سميه‌ته‌يل چه‌وديرى كۆمه‌ڵايه‌تى به‌ساگه ئه‌را بژيوى خيزانه‌گه‌ى ك پيكهاتنه له 4 كه‌س له غورفه‌يگ 12 مه‌ترسى بى بنميچ و بى خزمه‌تگوزارى.
