دهۆک بڕیگ لە چالاکیەل ئاهەنگ ساڵیاد وە پارێزگابوین دهۆک هەڵوەشنێد
شەفەق نیوز/ ئەمیر عەلی وەڕێەوبەر فەرمانگەی روشنهۊری لە پارێزگای دهۆک سەر وە هەرێم کوردستان، لاوردن بڕیگ لە چالاکیەل "ساڵیاد رووژ وە پارێزگابوین دهۆک" راگەیان ک بڕیاربوی ئمشەوو جومعە ئەنجام بدرێد.
عەلی وە ئاژاژاس شەفەق نیوز وت، " ئەو چالاکیەیلە لە ئاهەنگەگە لاوریانە بریتین لە ( گورانی، مۆسیقای میللی، نمایش دڵنگ فلکلۆری کوردی).
هووکارەگەی گلەودا ئەرا" مردن دوو مناڵەگە و زەخمداری یەکیگتر لەوەر پەلامارەیل بۆمبارانکردن وە لایەن ئەندامەیل پەکەکە وەبان ئاهەنگکەرەیل مەردم ئاوای زیوەت لە دویەشەو لە ناحیەی بامرنی سەر وە قەزای ئامێدی باکوور دهۆک.
ئاشکەرایکرد، " ئاهەنگەگە کوڵەو کرێد ئەرا ئەنجامدان ماراسۆن، و پێشانگای بەرهەم و چالاکیەیل فەرمانگەیل پارێزگاگە.
ئیدارەی پارێزگای دهۆک لە رووژ چوارشەممەی گوزەشتە سازدان کەرنڤاڵیگ راگەیان وەبونەی ساڵیاد وە پارێزگابوی 53 ساڵەی دهۆک.
