دانە گاز لە قەزای چەمچەماڵ کەفێدە وەر گورزیگ

شەفەق نیوز/ سەرچەوەیگ ئەمنی، ئمڕوو چوارشەممە، خەوەردا ک کۆمپانیای "دانە گاز" ئیماراتی ک لە قەزای چەمچەماڵ لە پارێزگای سلێمانی کارکەێد، کەفتە وەر گورزیگ. 

سەرچەوەیگ ئەمنی ئەرا ئاژانس شەفەق نیوز وت: کۆمپانیای دانە گاز لە چەمچەماڵ، ئیوارەی ئمڕوو، کەفتە وەر پەلاماریگ لە لایەنەیلیگ نادیار، وباس کەفتن زەخمدارییش کرد. 

تا ئیس دیار نییە ئایا پەلامارەگە مووشەک بویە یا فڕۆکەیگ بێفڕۆکەوان پەلامار بارەگای کۆمپانیاگە داگە. 

وەگورەی سەرچەوەگە، سەختی زەخمدارەیل ئاشکرا نەویە، وتیش زەرەد رەسیەسە تەیمانەی دیشتی کۆمپانیاگە. 

سەرچەوەگە هەمیش وت: کار لەناو کۆمپانیاگە وسیا، وگشت ئەندازیارەیل وەرەو دەیشت دەرچین.