خەسخانەی کۆرۆنا سلێمانی ئەرا تویشهاتنەیل زگچین و ئەڵاوردن دانریەێد
شەفەق نیوز/ وەڕێەوبەرایەتی گشتی تەندروسی لە پارێزگای سلێمانی راگەیان، خەسخانەی"شەهید د.هێمن" تایبەت وە بیماری ڤایرۆس کۆرۆنا دانریا ئەرا چارەسەرکردن زگچین و ئەڵاوردن.
سامان شێخ لەتیف قسەکەر تەندروسی لە سلێمانی لە بەیاننامیگ رەسیە ئاژانس شەفەق نیوز وت، مەبەست لە تایبەتکردن ئەو خەسخانە ئەرا کەمەوکردن ئەو بارگرانیەس ک هالەبان خەسخانەیلتر لە سلێمانی، وەتایبەت خەسخانەی شار و خەسخانەی دکتۆر جەمال ئەحمەد راشد مناڵان، و بنکەیل تەندروسی تر.
وتیش، هاوڵاتیەیل لە ئمڕوو چوارشەممەوە توەنن سەردانی بکەن.
دیاریکرد، لەوەر ئاڵشتبوین کەشوهەوا و بەرزەوبوین پلەی گەرما، رێژەی ڤرەیگ زگچین و ئەڵاوردن لەمابەین مناڵ و گەورەیل بڵاوەوبویە، پزیشکەیل و شارەزایەیل تەندروسی هاوڵاتیەیل ئاگادار کەن لە کۆمەڵیگ رێنمایی، لەوانە وەکارناوردن ئەو بەرهەمەیلە وە ئاو پیس ئاویاری دریەن، شوردن میوە و سەوزە وەشیوەی خاسیگ، نەخواردن ئەو خوەراک و نوشینەیلە ک دڵنیا نین لە پاک بوینی، دڵنیابوین لە سەرچەوەی ئاو و مقەیەتیکردن پاکی و شوردن دەسەیل وەشیوەی خاسیگ وە سابوون لە دویای هەڵسوکەفت کردن وەگەرد شتومەکەیل.
