خاوەن نانواخانەێل سلێمانی ناڕەزاری کەن و بڕیار بەسیان دەن
2021-10-31T08:19:55+00:00
شەفەق نیوز/ شمارەێگ لە خاوەن نانواخانەێل، شەوەکی ئمروو یەکشەممە، لە شار سلێمانی لە نوای قایمقامیەت سلێمانی گردەوبۊین، دواکردن نڕخ کەرەستەێل سەرەکی ک لە نان دروسکردن وەکار تێد کەمەو بکرێد، و راگەیانن ئەوان ئەرا نانواخانەێلیان گلەو نێخوەن و دریژە وە کارەێلیان نادەن تا وەڵام داواکارییەلیان نەیرێد.
و داواکارن نڕخ، گەنم، مادەی گاز، و کارەبا، کەمەو بکرێد، باس کردن بەرزەوبۊین نڕخ پێداویستیەێلە کارکێدە بان بەرهەم هاوردن نان و زەرەرد ماددی گەپێگ وەپییان رەسنێد.
هەرلیوا وتن: ئەوان لە گوزەشتە پەیمان چارەکردن کێشەێلیان وەپیان دریاگە باواجی جیوەجی نەکردنە، دیاریکردن ئەوان ناچارن ئەرا شۊین کارکردنیان گلەو نەخوەن تا وەڵام داواکاریەێلیان دریەێد، و ئەوان بڕیاردانە نانواخانە و فڕنەێلیان لەی وەختە بوەسن.
