حكومه‌ت كوردستان: تاوان ئه‌نفال ئامانج له‌لى كوشاننه‌وه‌ى ناسنامه‌ى نه‌ته‌وه‌ى كورد بوى
شه‌فه‌ق نيوز/ مه‌سرور بارزانى سه‌رۆك حكومه‌ت هه‌رێم كوردستان، به‌ياننامه‌يگ ده‌ركرد وه بوونه‌ى سى و دووه‌مين ساڵياد شاڵاوه‌يل له‌ناوبردن وه‌جه‌م(ئه‌نفال).
بارزانى وت: ئمڕوو سى و دوو ساڵ گوزه‌ر ئه‌كا له‌بان گه‌وراترين شاڵاوه‌يل له‌ناوبردن وه‌جه‌م دژ ملله‌ت كوردستان، ك به‌شيگ بوى له زنجيره هه‌وڵه‌يليگ و له بنه‌ڕه‌ه‌و ئامانج له‌لى نه‌هيشتن و كوشاننه‌وه‌ى ناسنامه‌ى نه‌ته‌وه‌ى كورد و ملله‌ت كوردستان بوى.
جى باسه، بارزانى هه‌ميش وت: ئى تاوانه‌يل گه‌ورا ك ئه‌نجام دريان دژ ملله‌ت كوردستان له‌وه‌رچه‌و گشت جه‌هان و له‌تى هه‌زاران كه‌س بيتاوان بوينه قوربانى، نه‌بايه‌د جوور هه‌ر ياديگ تر مه‌ويسيه‌يليمان گوزه‌ر بكا، به‌ڵكوو بايه‌سه كار بكه‌يم له‌وه‌ر خاتر نه‌هيشتن فكر شوفێنى ره‌گه‌زپه‌رسى ك پاڵنه‌ر سه‌ره‌كى بويه له‌پشت ئى له‌ناوبردن وه‌جه‌مه ك زوورم ناوچه‌يل كوردستان گرته‌وه‌و تائيسه‌يش له بيره‌وه‌رى ملله‌ت كوردستان مه‌ندگه.
