تەندروسی کوردستان راگەیان 117 تویشهاتن وە کولێرا توومارکردنە
2023-09-07T08:22:48+00:00
شەفەق نیوز/ وەزیر تەندروسی هەرێم کوردستان سامان بەرزەنجی، ئمڕوو پەنجشەممە، راگەیان 117 تویشهاتن وە بیماری کولێرا لە هەرێم چەسپیایە، مەزەنەکریەد شمارەگە زیایترەو بوود.
بەرزنجی پەراوێز سەردانکردنی ئەرا شار سلێمانی، لە بەیانیگ وە رووژنامەوانەیل راگەیان، هەرێم کوردستان و عراق وە ناوچەیگ دانریەد کە بەکتریای ئی بیماریە گردیەسە خوەی، وەی دویاییە کولێرا لەناوچەیل هەرێم کوردستان بڵاوبویە لەوەر شماریگ هووکار کە یەکیگیان ئاوەڕۆس، پاکوتەمیزی ئاو نووشین و ریی چارەسەرکردن و دابینکردنی ئەرا کویچە و ناوچەی دانشتگەیل.
دووپاتکرد، وەزارەت تەندروسی گشت ساڵیگ لە مانگ حوزێران پیلان دانەد ئەرا رویوەروی بوین پسای زگچین و ئەڵاوردن، وتیش "چەوەڕێ بویمن حالەتەیل تویشهاتن وە کولێرا تووماربکەێمن چوینکە ساڵانە تویشهاتن وەی بیماریە توومارکەێمن".
وەزیر تەندروسی دیاریکرد، 117 حالەت تویشهاتنیان وە کولێرا چەسپیایە لە تاقیگەیل سلێمانی و هەولێر، و وەلایەن بەغدا و رێکخریاگ تەندروسی جەهانیش چەسپیاگە.
