تەندروسی کوردستان کۆبونەوە ئەرا دەرکردن بڕیارەیل نوویگ لەباوەت ڤایڕۆس کۆڕۆنای ئاڵشتبوی کەێد
شەفەق نیوز/ بڕیارە وەزارەت تەندروسی لە هەرێم کوردستان، ئمڕوو یەکشەممە، کۆبونەوەیگ بکەێد ئەرا بردن ریکارەیل مقەیەتیکردن نوویگ وەگەرد دەرچگن ڤایڕۆس کۆڕۆنای ئاڵشتبوی و بڵاوبوینی لە وڵاتەیلیک هاوسا.
دکتۆر ئاسۆ حویزی قسەکەر وەناو وەزارەتەگە ئەرا ئاژانس شەفەق نیوز وت: ئمڕوو وەزارەتەگە گردەو بوود ئەرا داناین ریکارەیل و پیلانەیلیگ نوو وەگەرد بڵاوبوین بنچینەی نوو ڤایڕۆسەگە، و دووپاتکرد ک هەرێم هیچ تووشهاتنیگ وەی ڤایرۆس ئاڵشتبویە تۆمار نەکردگە.
ودیاریکرد ک ئەو ریکارەیلە ک دەسەی باڵای دژە ڤایرۆس کۆڕۆنا لە کوردستان جوور خوەیام وەردەوامن، جوور ریکارەیل تاقیکردنەوەگان وەتایبەت لە مەرزە سنووریەگان و فڕۆکەخانەگان، و یەهەفتە کەرەنتین تەندروسی لەبان ئەوانەگ تێەنە ناو.
حویزی وتیش؛ وەزارەتەگە ئەوەسا لە دویای کۆبونەوەگە بەیاننامەیگ دەرکەێد ئەرا راگەیانن لە بڕیارەیلی.
