توركيا 17 په‌لامار ئه‌را بان باره‌گايه‌يل په‌كه‌كه ئه‌نجامدا
2015-08-11T10:21:42+00:00
وه گووره‌ى هه‌واڵ ئاژانسه‌يل توركى ك(شه‌فه‌ق نيوز)ئاگادارى بوى، ئه‌وه ده‌ركه‌فت ك سه‌ربازيگ توركى له په‌لاماريگ چه‌كدارى ئه‌را بان بنگه‌يل سه‌ربازى له ئاواييگ نزيك شه‌رناخ كوشياگه.
ئاژانسه‌يل توركى باس له‌وه‌يش كردن ك هيزه‌يل ئاسمانى وه‌خاتر ده‌سوه‌شانن له چه‌كداره‌يل پارت كارگه‌ره‌يل كوردستان 17 په‌لامار ئه‌را بان بنه‌و باره‌گايه‌يليان له باشوور خوه‌رهه‌ڵات توركيا ئه‌نجام داگه.
