ته‌ياره‌يل هاوپه‌يمان ئه‌را پشتگيرى پێشمه‌رگه 57 بنگه‌ى داعش گرتنه ئامانج
2015-08-26T11:32:31+00:00
بريت ماكغورك ده‌سميه‌تده‌ر وه‌زير خارجيه‌ى ئه‌مريكى ئه‌را كاروبار عراق و سوريا له‌بان ماڵپه‌ر كومه‌ڵايه‌تى توێته‌ر ك(شه‌فه‌ق نيوز)ئاگادارى بوى، باس له‌وه كرد ك ته‌ياره‌يل هاوپه‌يمان ناوده‌وڵه‌تى 57 بنگه‌ى ريكخرياگ ترۆريستى داعش وه چه‌ن په‌لاماريگ ئاسمانى ويران كردگه له‌وه‌ر خاتر پشتگيرى له هيزه‌يل پێشمه‌رگه ك خه‌ريك په‌لامارداين داعشن له كه‌ركووك.
جى باسه، ده‌مه‌و شه‌وه‌كى ئمڕوو هيزه‌يل پێشمه‌رگه پيشڕه‌وى كردن وه‌ره‌و قويلايى بنگه‌يل داعش و تويه‌نستن چه‌ن ئاواييگ له خورماتوو ئازاد بكه‌ن و ده‌يه‌ها ترۆريستيش له ريكخرياگ داعش بكوشن و زه‌خمدار بكه‌ن.
