تریشقە دوو کەس لە هەولێر کوشێد و کەسیگیش زەخمدار کەێد
2024-05-06T11:27:14+00:00
شەفەق نیوز/ سەرچەوەیگ ناوخوەیی، ئمڕوو دووشەممە، خەوەردا لە کوشیان دوو کەس و زەخمداری کەسیگ ترەک وە تریشقە لە شار هەولێر پایتەخت هەرێم کوردستان.
سەرچەوەگە ئەرا ئاژانس شەفەق نیوز وت: رویداوەگە لە وەڕیەوبەرایەتی هاتوچو لە هەولێر بوی، کە تریشقە داد لە رانندەی تەکسییگ لە وەردەم ببناگە، کە رانندەگە زەخمدار بوی، و ئەرا خەسەخانە بریا.
وتیش: دوو کراکار عەرەب وە تریشقە لە ئاوای قورس ئۆغڵو نزیک قەزای دیبغا لەبان ری مەخموور هەولێر مەوقەی کارکردنیان لەناو بووسان گیانیان لەدەسدان.
