بەسانن ری گرنگیگ لە هەولێر تا ماوەی ١٠ رووژ

شەفەق نیوز/ وەڕێۆبەرایەتی هاتووچو گشتی لە پارێزگای هەولێر پایتەخت هەرێم کوردستان، راگەیان بەسانن ری هەولێر- بەحرەکە تا ماوەی ١٠ رووژ ئەرا تەواوکردنی و بەساننی وە جادەی ١٥٠ مەتری سەرەکی.

فازڵ حاجی قسەکەر وەناو هاتووچو لە بەیاننامەیگ ئمڕوو وت؛ هووشداری شۆفێرەگان و هاووڵاتیەگان کەیمن و سەردان کەرەیل وەڕێۆبەرایەتیەگە ک رووژ جمعە ٢٠٢٠/١٢/٦ ری هەولێر - بەحرەکە وەرەو وەڕێۆبەرایەتی هاتووچو و وەرەو  ناوچەیل (گەنجان، کوریکان، ڕەرین، وسکتن، شوقەیل ماموستایان) بڕیەێد.

وتیش؛ ریەگە تا ١٠ رووژ بڕیەێد و لە رووژ ٢٠٢٠/١٢/١٦ کریەێدەو، و ئاماژە کرد ک هاووڵاتیەگان توێەنن لەو ماوە وەڕی هەولێر- پیرمام بپن، و روی بکەنە ریە خزمەتگوزارییەگە لە جادەی ١٥٠ مەتری و لەورەو روی بکەنە شار و ناوچەیل خوەیان یا وەرو وەڕێۆبەرایەتی هاتووچو.