بیجگە ئەنار...حکومەت هەرێم کوردستان وەنیازە سیف و ئەنگویر و هەنگوین هەناردە بکەێد
2023-01-06T16:38:11+00:00
شەفەق نیوز/ حکومەت هەرێم کوردستان وەنیازە بەرهەمەیل سیف و ئەنگویر و هەنگوین هەناردەی بازارەیل دەیشت بکەێد هاوشان وەگەرد میوەی ئەنار ک وەلایەن وڵاتەیل خەلیج پەسەن کریا و پیشوازی لەلی کریا جویر پاڵپشتیەیگ ئەرا بەرهەمە ناوخوەیەیل هەرێم.
سەرپەرشتیار پرۆژەی هەناردەکردن ئەنار لە هەرێم جەلیل ساڵحی لە لێدوانیگ لەبان ساێت فەرمی حکومەت هەرێم، ئمڕوو جومعە، راگەیان: وەگەرد ئەنار، حکومەت هەرێم کوردستان وەنیازە بەرهەمەیل سیف و ئەنگویر و هەنگوین هەناردە بکەێد.
وتیش، پیلان پاڵپشتیکردن لە کشاوەرزەیل فراوانتر کەن و لە قۆناغ ئایندە ری خوەشکریەێد ئەرا هەناردەکردن بەرهەمەیل ئەرا بازارگڕەیل دەیشت، بیجگە لە بازاڕەیل ئیمارات، ئەنار هەنار کوردستان هەناردە کریەێد ئەرا سعودیە و بەحرێن و ئەوروپا و بەریتانیا.
